一來, 轉左版面之後真係唔鍾意...

二來... 係因為轉左去哩度寫..

 

現在係01:16....

 

今日成日都好累.. 返到公司食完飯0係個位直頭訓著左..

收工.. 冇人得閒~ 唯有自己吃飯.. 好冇心機咁0係園林食完個飯之後就去搭車喇..... (去園林食個飯, 都起碼見到「老豆」0係度丫..)

搭車返旺角, 順手拎d 野.. 再轉車返屋企.. 一路都訓住咁滯..

 

返到屋企, 開部電腦, 又突然間變返640*480........ 都唔知乜事..

整整下又得返..

但係得返又點? msn 好似壞左咁, 冇人出聲的..

一路呆... 呆....... 呆.............

 

都係未等到人online 傾下又呻.... 但係又累到震.. 最後都係去訓.... (押韻!)

即係咁... 真係好耐冇寫到, 成個月喇

 

發生左d 乜事呢..?

返新工啦, 0係公司撞到以前同事啦..

synfia 進展ok 啦, 遲d 玩rockit audition 啦, 入到就好喇..

但係份新工星期五六例收十二點... 有show 就要請假或諗計...

識左新朋友啦.. 好耐冇試過同人成日有偈傾喇... 最緊要係, 我覺得佢真係會留心聽(睇)我講(寫)乜野既.. 哩樣好重要丫..

剛剛剪左頭髮啦.. 好似有差不多一年冇咁短喇, 又染返深啡..

 

開始覺得自己打鼓唔夠努力.. 冇貨賣了..

講就講左好耐要搵個師傅去潛心學好手鼓.. 但係一來唔知搵邊個好.. 二來真係未必有時間.. 亦當然未必有錢..

好鬼懊惱..

好彩, 而家我打鼓都起碼有火, 唔夠實力都嚇得下人丫..

 

 

我不知道我的位置...
我不知道我可以做甚麼...

我不知道我還可以去到哪一點...

 

我淨係知我哩排好自閉

成日都收埋左自己...

必須發表一篇文章,將所有愛的問題都答出來
(問題請看指名你的那位朋友的Xanga複制過來都ok)
寫完所有愛的問題後,請點名8位朋友繼續下去!
注意!被點名的人不能重複~
未滿7人者屬違規,會有報應..
拍拖中的人會分手,單身的會一年內交不到男/女朋友!!  (不是吧....)

(相士早在上年尾講左的了, 唔使再提多我一次..)

點我的人: 我自己0係lowee 個xanga 度笠架喎...

寫出填寫日期: 23/06/2006
愛的音樂: Jazz / Rock / Nu-Metal / Rap Metal / Hip Hop

愛的顏色: 黑 / 紫 / 紅

愛的國家: 香港, 台灣 
愛的休閒: 打機, band, 睇戲, 睇漫畫
愛的科目: 物理
愛的甜食: 雪糕!!!
愛的個性: 聰明的, 不要蠢!!
愛的口頭禪: 「乜咁架咩?」

愛的習慣: 唔知喎...
愛的季節: 秋
愛的女仔: 寫左出黎佢咪知囉, 都係唔寫啦
愛的男仔: I m not gay, man!
愛的節日: 清明, 有乜都可以0個日講嘛... 
愛的運動: bike, 打麻雀
愛我的人: 朋友掛... 仲有就唔知喇.. 有既話聲我知丫, 係女孩子就最好啦
愛過我的人: 唔想諗.. 愛過我即係而家唔愛啦.. 唉
幸運兒名單: 不點了, 看到這編 Entry 的人都寫寫吧(←此句照lowee 原封不動的..)

Ten = 10

1 Hundred = 100

1 Thousand = 1000
1 Million = 1000000

1 Billion = 1000000000

1 Trillion = 1000000000000

.

.

.

.

1 Espana = 1000000000000000000000000000000000000000000000000000000000000000000000000

 

話說有個朋友生日.. 原本預定就星期六去唱k 玩下咁既

唔知係咪緊張得滯.. 之前一晚竟然唔係幾訓得到!

一早就醒左... 又冇乜野搞既時候, 晏晝就出左街喇...

咁就諗住去打下機, 0係街行下咁, 搵石高飛食完飯到夠鐘就去深水步某機舖搵佢地然後去唱k 也!

 

點知事與願遺! 食飯時收到電話, 竟然話唱k 取消!!

OMG!!!

正諗住算數.. 去打多陣機(已經成日係咁去唔同機舖睇下, 連篤篤機都玩..)就返屋企自閉時..

又收到電話, 壽星女話不如出來去飲野!! 我梗係話好啦!

咁就同佢約0係太子等.. 之後再一齊去搵邊間bar 好啦..

去到警署後面0個條酒吧街... 好多間, 其實間間都一樣架啦.... 又冇相熟既.. 搵緊期間, 佢提議飲完去睇戲! 這個又當然更好啦!! 打個電話去華懋check check, 一點八有場, 正!! 決定去「睇華懋」(註 1)!!

點知行行下, 見到間吧個招牌係「雙子座」! 我地兩個雙子人就不如去哩間啦~

(順帶一提.. 間舖頭個招牌係有兩個公仔, 係草薙京同八神庵的剪影來....)

 

入到去唔知飲乜好.. 首先一人一杯around the world先, good! 好耐冇飲~ 但係好似冇乜酒咁..

再來半打啤酒輕微劈下啦..

飲飲下, 睇睇時間, 差不多一點, 走人去睇戲!!

我地係去睇《海神號》既! 因為飲到都wing wing地, 再睇套沉船戲, 真係幾有真實感呀!

但係... 一來好早起身, 成日都好累好眼訓咁... 二來飲完酒... 又真係突然好眼訓.. 睇戲時係恰著左少少既.. 但係佢睇得好緊張~ 一到d緊張位我實知~ 哈!!

 

睇完戲, 佢提議不如睇下金星閂左未.. 竟然係未閂喎.. 入去打左兩舖機之後就搭n241, 佢中途落車, 我就到葵芳再轉車返屋企喇.......

 

返到屋企, 好眼訓!! 即訓!!

醒左之後... 竟然唔多記得套戲講乜...

一來有少少時間係恰著左... 二來我的確係唔係太留心睇戲.. (^_^)

 

咁... 算唔算斷片呢...?

但又真係唔記得發生乜事咁架喎... 可能當時同現實相差太遠.. 太似發夢喇..

當然我唔想夢醒啦..

 

=====================================================

 

 

我悶得滯時會搵返d 舊野睇..

例如舊相, 舊歌, 舊file...

 

俾我搵到個好耐冇睇到, 但係又的確好無聊的片一條...

叫做「辦公室內的自動電梯」.....

(演出者 : 陳牛)

 

0係任何地方, 只要有屏風或者牆等等可以遮到下半身... 都可以做到..

再搵下搵下, 又俾我搵到張好耐之前既相...

我諗有六至七年咁耐.. 發覺同兩星期前影既一張相環境同動作都有d 似...

哈哈...

今日SYNFIA去左土瓜灣一個工商大廈錄Smartone 的一個節目

係一個俾BAND 表演, 同有一個簡短訪問, 遲D 會可以用3G 手機單撈來睇既節目

 

十二點去到土瓜灣, 去一間好OLDSKOOL 既冰室食左個特餐, 之後就上去錄影

去到, D 器材好似比較簡單, 但係驚喜係, 套鼓竟然係DW 的!

得一個TOM, 冇DOUBLE PADEL.. 照玩架啦~ 其實我就冇乜所謂的

錄完, 好累, 但係走時突然諗諗, 反正咁齊人, 又齊架生, 不如0係度錄埋LIVE 的DEMO!

問完價, OK 左, 落去飲杯奶茶再返上黎錄DEMO

 

但係唔知係咪個冷氣有時限.. 好似熄左咁..

錄緊時好熱好熱! 仲勁過焗桑拿! 因為又係咁打鼓嘛... 總之就搞到汗人一個!

但係得來既, 就係SYNFIA 終於有DEMO 可以俾人聽喇!!

 

我其實正式地夾BAND 打鼓打左三年咁上下,

但係今日呀主持拜仁問我打鼓打左幾耐, 我答三年時, 佢同另一個負責人既反應係「哦? 三年咋?」咁樣..

有點奇怪.. 唔應該係咁上下架咩? 我覺得我自己練得唔夠, 進步得慢喇喎..

 

任何路, 總之而家SYNFIA 有DEMO, 就可以俾DEMO 俾D 比賽呀, SHOW 呀咁..

盡量搵多D 演出機會喇!

 

不過有個難題... 有時D SHOW 或比賽, 一個人只可以玩一隊BAND, 遇到小肥豬同SYNFIA 都想玩時(好似06 漫畫節個band 比賽...), 咁真係唔知點算好... 都係順其自然啦, 哈哈

因為SYNFIA 星期三要去smart tone 錄影關係, 所以禽晚出去夾野, 都好努力咁係咁練要玩0個兩隻歌 : 《To the Ground》同埋《I, Star!》

0係三個鐘頭內, 都唔知玩左幾多次.... 總之就係咁loop 係咁loop, 雖然間中都練新歌 : cover 的《Love is Blind》... 但係都一樣係咁loop 係咁loop..

 

雖然之前小肥豬出show 前或者0個次上tvb 前都係咁練隻《大破壞》, 但係唔係我打鼓嘛.. 所以一定會冇咁累, 哈哈..

總之就係而家散哂, 冇乜力...

 

各位用smart tone 既, 遲d 留意下睇下有冇得dl SYNFIA 既片黎睇啦..~

Happy Birthday to me..

精力充沛、情感強烈、專橫霸道、叛逆、保護者、獨斷獨行、一不作二不休

 

您擁有一定的個人倫理，涵蓋了整合、真理和正義，透過這個個人倫理，您以正反對立的角度觀看世界。

建意：
學習接受沉悶和恐懼
認知並歡迎您的脆弱及無力
改善自己責備他人的傾向

 

最渴望：控制掌握一切，當家作主
最恐懼：屈服於人

========================================================

有趣有趣!! 真的十分有趣!! 原本覺得準繩度85%, 而家突然覺得係110% 以上!!

比起十年前的「新韓國奇行」令到我戰鬥不能十分鐘!

今次更加令到我戰鬥不能三十分鐘以上!! 殺左我啦~~

 

閣下睇到的話, 就真係「2608 302465 6861035 8106541 4210 657950 6510567 65566 5404840」, 六合彩又唔見我中~~

 

解左佢就明架喇!! 笨!

在藝穗會睇左隊北京band - Re-TROS 來港的演出!

我其實唔多聽gothic, 但係ipod 中 bauhaus 的歌我又好鍾意!

現場睇Re-TROS 演出, 感染力的確好強! 成隊band 紮實到不得了! 鼓強而極之有力, 每一下都好似直擊心口一樣!

 

最有趣的, 主音很多時都是背對觀眾表演的...

0係metal 個xanga 笠返來的...

 

 

成就型（精明能幹，重視形象）

您是自信、野心勃勃、成功、行動敏捷和熱心十足。
您賣力工作來追求自我的目標，而且是極佳的驅動者，能讓身邊的人共享「任何事都可以達成」的信念。
您的腦子裏盡是不同的任務，心中牽掛著許多不同目標，並在必要時給予每個目標應有的注意力。您把焦點都放在勝利上，不注重細節，也不在乎投機取巧完成。
您不注重感覺，只在乎自己的形象，著眼於別人回應給您的感覺。

優點：
您對別人的期望具有直覺的洞察力，可以像變色龍一樣改變自己的形象以順應身邊的人。

缺點：
您和自己的感覺失去了連繫，總是拖到空閒的時候才去感覺情緒。

愛情：
雖然您可能經常感覺到關係會結束，但您能夠為伴侶帶來活力、樂觀和主動。
對您來說形象是最重要，所以您很容把注意力放在群眾，令伴侶感覺被丟在一旁、不受重視，成為您形象下的附屬品。

「關係對我而言壓力很大，如果我選擇了特定的伴侶，我所能掌握的事會變得很有限。」

安定方位：忠誠型
在安定的狀態下您會開始接觸到自己的感覺，但這是一個兩難的情況，因為您對自己、環境和感覺的種種懷疑也跟著浮現。

壓力方位：平和型
當面對感情的壓力或情緒對抗時，您會開始迷失了焦點及自信心，會傾向過度耽溺於足球、酗酒、藥物等。變成搖擺不定、意志渙散的人，甚至因為無法自我激勵而惱怒。

建意：
停下來感受一下自己的感覺
避免很有目的地交友
放慢腳步，停下手邊的工作，花一點時間外出。

最渴望：自己的能力被認同，讚賞
最恐懼：不被賞識，感到懷才不遇
最難達到的美德：坦誠 (Honesty)
最難克服的執念：虛榮 (Vanity)

 

都真係幾準下.. 但係..

好似樣樣都唔好咁既...

好睇!
個結局竟然係咁..

 

「要成功不一定要做好人, 有運就可以了」

 

同埋.. 女主角好靚....

有粒大「飛滋」生左0係口....

痛左兩日.. 唔係辦法..

所以終於就用最直接而有效的方法同粒飛滋消毒

直接用粗鹽「拿」粒飛滋, 再含住鹽水一陣....

直接物理攻擊的確好痛!! 當堂醒哂!

但係竟然好勁地... 過左半個鐘之後, 見到有埋口跡像... 真係咁有效?

 

p.s. 唔忍得痛既人勿試.... 痛到暈左真係幫你唔到

睇newsroup... 見到張咁既相.. 係張家界既旅遊宣傳口號..

「男人一路歡笑 女人一路尖叫 張家界激情之旅」

 

勁...

數日前 :

 

 : 喂, 0係邊呀?

 : 嘩乜咁耐冇搵我呀? 0係公司, 仲做緊野囉

 : 出唔出來食飯呀?

 : 我返屋企食野喎, 減肥呀, 食d 菜就係架喇, 唔出街食啦

 : 咁呀... 你食完飯出唔出來呀? 睇戲丫一係, 冰河世紀2

 : 都好喎, 我想睇呀, 咁你睇下邊度有得做啦, 英文版喎! 我食完野就出黎搵你啦

 

睇戲時, 佢就好似一個小妹妹咁, 見到d 得意既角色會大笑, 見到隻怪獸會驚到縮埋..

同時, 我就食左一兜士多啤梨哈近大時, 十分好味

 

今日我晏晝打俾佢 :

 

 : 喂, 0係公司走未呀?

 : 做埋少少野就走啦

 : 我想去影水母呀

 : 聽日我都要返工喎...

 : 咁... 你陣間做完野有冇野搞? 出唔出來呀?

 : 好呀, 陣間我想去太子買野, 去太子等啦

 : 好!

 

出到來.. 去聯合搵佢

佢買衫中, 跟住話想買帽, 又要去買鞋咁

變左陪佢行街.. 搞到我都買左件衫.. 貴! 但係好靚

 

行到去朗豪坊..

 : 呀! 我要去睇公仔!

跟住就扯住我咁去搵間有大公仔賣既舖頭..

去到, 見到有隻大大隻既米白色熊仔, 的確係好可愛的

佢見到隻熊仔差d 就大叫, 係咁話好可愛, 又0係度考慮如果買隻再大d 既, 會唔會霸左佢張床, 佢自己冇位訓... 行左出舖頭門口, 又入返去諗買唔買好..

最後, 都係買左, 差不多六百蚊的一隻大大米白色熊公仔...

佢攬住隻公仔, 就好似一個小女孩, 攬住一隻成日陪住佢, 好似朋友一樣既公仔咁..

當時我真係心底覺得佢好天真咁笑的..

 : 好野!! 買左隻好鍾意既公仔~ 今晚返去要攬住佢訓!

開心的確係可以感染的, 見到佢咁開心, 我都好開心~

 

佢好信得過我, 因為就算佢飲到醉哂, 我都會睇住佢唔俾佢有事

又因為我好多時都講我自己既野佢知, 佢亦都好清楚0係我身上發生過乜事..

佢都對我好好, 因為知道我好多時都係真心關心佢

 

冇錯, 我覺得佢就當我係佢亞哥一樣.... 亦都係一個好朋友...

 

冇錯, 人地的女朋友就會對我係咁架喇..